You Are My Everything
You Give Me Your Strength
My Heart Is Closed To You
My World Is Me and You
You Are My Everything 唯有你隨時和應
呼吸中都有感應 多得你來助興

 個樣殘到........

31oct 2009
今日8點30分小朋友已經到左公司搵我,等我放工
無奈我生意方面我仲欠百幾蚊就到15000既目標
所以留多十幾分鐘~希望博多百幾蚊生意~
最後都係都係博唔到~ 8點45分收工
之後小朋友當然怨我啦~
我地即刻出中環開始我地既halloween晚上
甘多年halloween 我都冇出過中環慶祝~
估唔到係勁多人~ 四圍都係police 維持秩序
我地最後好辛苦終於迫到入蘭桂芳
因為人太多,又要搵餐廳食飯~我地心情都唔係太好
行左個圈~我地出返去cwb食dinner
我地去左一間好靚既spanish restaurant 食飯~
真係好好味!雖然唔係食左好多野~
但已經好滿足~最後仲有birthday cake tim!!!
好多謝小朋友同我補祝生日!!
食完飯~我地返去蘭桂芳再玩
雖然我經過一天既工作已經好累,好累~
不過眼見小朋友好想去玩
我唯有陪佢玩到底
結果玩到第2日6點半~
返到屋企已經7點半, 最後頂唔住~請左日sick leave.....

2 nov 2009

今日係我最後一天係 i.t 工作既日子
雖然冇咩特別唔捨得~
不過我個心其實好多謝每一位教過我做野既同事
因為每一個都好用心教我,特別係shoes corner既同事
由我初初傻下傻下既trainee,到現在開始似返個sales
係呢1個半月入面我真係學到好多野
工作既態度, 與人相處, selling skill ,衣著技巧, 潮流 等等
真係獲益良多, 呢間鋪每一位同事都好認真工作
好重視生意~ 真係令我每日返工都好投入
因此我最終都達到公司比我既target,而且仲over左!
但可惜我覺得自己唔適合做sales,所以quit左
到收工時, 同事竟然為我搞farewell
真係好開心~ 一大班同事食餐好! 真係工作以來最開心既一個時刻!
我唔會忘記你地! 有需要一定會返黎搵你地幫我開SQ!haha

今日係本大少踏入二十一歲既大日子
難得放假~當然訓晏小小
十二點同志明出元朗飲茶,叫左勁多點心~
之後行左陣元朗再出觀塘APM shopping~
好耐冇去過APM shopping~ haha
我地行到5點半走人,一齊返天水圍
之後同屋企人係天耀食飯
食完飯就同老豆出元朗fortress買生日禮物
買左部快譯通~好鍾意!!
返到屋企食birthday cake~~
就係甘簡單xd

Birthday gift

HHHappy Birthday to me~
人生甘就過左二十一年.....
希望時間唔好過得甘快啦~

多謝各位send message 祝福我既朋友~

今日放假~ 返左新工都有20日時間了
我始終都係鍾意以前份工多d
可能因為我鍾意機場同aircraft有關啦~
成日都有種想返A記工作既感覺
新工方面仲學習同適應當中
不過表現唔係太好~ 我自己都覺得自己做得唔好
因為我既銷售技巧仲係好基礎
我打算做到10月尾就唔做了
想讀d野先~ 因為我最初都係打算讀書
只不過唔想讀甘長時間

今日訓到1點先起身~去唔到銀行整野=_=
本身打算做gym, 不過之後出左葵涌買野所以冇去
因為作天睇newspaper見到葵涌廣場有甘泉航空既aircraft用品賣
所以今日特登想出去睇睇~ 結果買左6隻碟,4隻杯,2個碗仔,一套餐具
2張safety information card~仲有....
一個勁殘既飛機餐餐箱(勁似存物柜) $$380蚊埋單~
之後calvin 放左工黎搵我,一齊去食米線之後去左睇戲~
"生命最一個月的花嫁"都幾好睇~ 有d位好感動

夜晚既節目係舊同學gathering
有彭彭,陳伯,啊葆,啊珠~ 原來我地有半年冇見~
啊珠又型仔左,陳伯又高左....羨慕死我!><
我地去左元朗金水食japanese cuisine~ 開心相聚~永遠都係最開心既事
話題離不開...最近,以前,將來~ 希望大家有好既發展之餘唔會忘記大家~加油!
食完飯同陳伯坐巴士返天水圍...架巴士勁full...個個企係到迫巴士
最慘仲有個半裸醉酒佬係我身邊嘔! 好彩冇中招!
不過因為太dirty...之後被迫同陳伯中途落車,轉light rail返屋企
聽日又要返工喇....不過好快又放假xd

我發覺我好像在逃避現實.......